Cogitabis eum quem servum tuum vocas ex isdem seminibus ortum, eodem
frui caelo, aeque spirare, aeque viuere, aeque mori! Tam tu illum videre ingenuum
potes quam ille te servum. Variana clade multos splendidissime natos
fortuna depressit, alium ex illis pastorem, alium custodem casae fecit. Quemadmodum
stultus est, qui, equum empturus, non ipsum inspicit, sed stratum
eius ac frenos, sic stultissimus est, qui hominem aut ex veste aut ex condicione,
quae vestis modo nobis circumdata est, aestimat. “Servus est.” Sed fortasse liber
animo. “Servus est.” Sed alius libidini servit, alius avaritiae, alius ambitioni,
omnes timori. Dabo consularem aniculae servientem, dabo ancillae divitem, ostendam
nobilissimos iuuenes mancipia pantomimorum: nulla seruitus turpior est
quam uoluntaria.
cogito,
Μεταφράζονται, παρακαλώ περιμένετε..
